/ لو قرًبتى الشوف!! /
***********
الـشـوق دوبـنـى ومـش قـادر
على لهف القلب يانـن الروح
وهـواكى فـايـتنـى..ومتّـاخـــر
مش قادر ادخل ف الممنـوح
ولا قادر افووووق!
**
ح استـنى الغـمـازه ف خـدِك
تندهنى ياشوووووق.
أو حـتـى تـشـاغِـل وتـلـمّـــح
مش ح اقـدر افـوتـك واروًح
وابات مرهووووق
**
لـو قـرّبتى الشوف..ح تلاقـى
هواكى مجـنًـنى
إدًينى إشاره تطمًنى /
حتى بمنـديـلـك
لاجل م اسابق الريح واجيلـك
م هوانتى غرامى/
وأجمل أنثى ف جيلِـك!
**
عاوز اوصفـلـك شكـل حنينى
واشواقى ياغندوره
عنيكى متاهه.وفزّوره
انا عاوز قلبى يكون قـنـديلـك
فقوليلى تعالى,وشـوفـى ازّاى
قلبى ح يسبقنى , وح يشيـلـك !!
*****************
الشاعر/احمد عفيفى - مصر -
من ديوانى-ح تصدقى؟-
ليست هناك تعليقات:
إرسال تعليق