عيش يا قلبي ونسا
شحال وصيتك يا قلبي
وانت عكسي تابع لهوى
قلت لك هاد الغابة
عامرة دياب وانت نعجة
أموحش الولف
وانت ما تهز حتى طرشة
فين ما كانت لمصايب
ليها تجي تكحز كي لعمى
اسمعني يا لهبيل لا تخرج للشتا
قبلك انقي ما فيك صدى
مالك نية
الولف يا قلبي غابة مغولة
انت تفرش ليه كساتك
ؤ هو على ظهرك يتنشوة
عيبو قريب اياكلك لحلاوة
ؤ يرمي عظمك ف للخلا
عيش ياقلبي بقلب بارد
ؤ الولف غير تخطاه ونسا
عيش يا لهبيل حر
ؤ دير الهم ف الشبكة
اصبر للزمان يوريك
غرايب النسا
شوف ف لعلالي
لا طييح راسك ف حفرة
راه الراشي ايطيح
ؤ الصحيح يبقا
بقلم الزجال : محمد زرواني
الطيرالحر
ليست هناك تعليقات:
إرسال تعليق